„სოფლის მხარდაჭერის პროგრამის“ ფარგლებში ფინანსთა მინისტრის მოადგილე ლერი ბარნაბიშვილი სიღნაღის მუნიციპალიტეტის სოფლების: ქვემო და ზემო მაღაროს, ქვემო ბოდბის, სოფელი ბოდბისა და ილიაწმინდის მოსახლეობას შეხვდა. აღნიშნულ დასახლებებში გამართულ სოფლის კრებებს, ასევე დაესწრნენ კახეთის მხარეში სახელმწიფო რწმუნებული ირაკლი ქადაგიშვილი, გარემოს დაცვისა და სოფლის მეურნეობის მინისტრის მრჩეველი სოლომონ პავლიაშვილი.
სოფელ ქვემო მაღაროში ადგილობრივების გადაწყვეტილებით, გაკეთდება გარე განათება, „რკინიგზის“ უბანში შეკეთდება ჭაბურღილი და ასევე, მოწესრიგდება საბავშვო ბაღის ეზო. ზემო მაღაროში მოიხრეშება სოფლის შიდა გზები და გაკეთდება გარე განათება.
სოფელი ქვემო ბოდბის მოსახლეობის გადაწყვეტილებით, „სოფლის მხარდაჭერის პროგრამის“ ფარგლებში, მოეწყობა ახალი სკვერი, შემოიღობება სასაფლაოს ტერიტორია და მოწესრიგდება შიდა საუბნო გზები.
სოფელ ბოდბეში შემოიღობება სპორტული მოედანი, მოიხრეშება გზები და დამონტაჟდება გარე განათება. სოფელ ილიაწმინდაში მოსახლეობის გადაწყვეტილებით რეაბილიტაცია ჩაუტარდება ბუნებრივი წყლის სათავე ნაგებობას და მოეწყობა გარე განათება.
0