ხაშურში სპორტკომპლექსის მშენებლობის სამუშაობის დასათვალიერებლად საქართველოს რეგიონალური განვითარებისა და ინფრასტრუქტურის მინისტრი ზურაბ ალავიძე იმყოფებოდა. სპორტული კომპლექსის სამშენებლო სამუშაოებს შიდა ქართლის სახელმწიფო რწმუნებული-გუბერნატორი კახა სამხარაძე და სამხარეო ადმინისტრაციის წარმომადგენლებიც გაეცნენ.
ხაშურის მუნიციპალიტეტის გამგებელმა გიორგი გურასპაშვილმა, მუნიციპალიტეტის წარმომადგენლებთან ერთად, სტუმრებს მიმდინარე სამუშაოები დაათვალიერებინა და სამომავლო გეგმებიც გააცნო.
აღნიშნული პროექტი რეგიონალური განვითარების ფონდის და ადგილობრივი ბიუჯეტის თანადაფინანსებით მიმდინარეობს და ჯამში 2 292455 ლარს ითვლის.
სპორტკომპლექსის მშენებლობა 2017 წლის ივნისის ბოლოსთვის დასრულდება.
მინისტრმა ხაშურში სპორტ-კომპლექსის მშენებლობა დაათვალიერა
01/03/2017