Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქალაქ ახალციხეში ახლადრეაბილიტირებული სამხატვრო სკოლა გაიხსნა. სამხატვრო სკოლა საქართველოს კულტურის, სპორტისა და ახალგაზრდობის მინისტრმა თეა წულუკიანმა, ახალციხე-ადიგენი-ასპინძა-ბორჯომის მაჟორიტარმა დეპუტატმა ანტონ ობოლაშვილმა, სამცხე-ჯავახეთის სახელმწიფო რწმუნებულმა ბესიკ ამირანაშვილმა, ახალციხის მუნიციპალიტეტის მერმა ზაზა მელიქიძემ და სამხატვრო სკოლის დირექტორმა ლელა ფერაძემ გახსნეს. სამხატვრო სკოლის სრული რეაბილიტაცია მიმდინარე წელს განხორციელდა. პროექტი ადგილობრივი ბიუჯეტიდან 294 998 ლარით დაფინანსდა. სარეაბილიტაციო სამუშაოების ფარგლებში საკლასო ოთახებთან ერთად, მოეწყო საგამოფენო დარბაზიც. სამხატვრო სკოლის 270-ზე მეტი მოსწავლე თანამედროვე სტანდარტების მქონე გარემოში შეძლებს სწავლის გაგრძელებას. აღსანიშნავია, რომ ახალციხის სამხატვრო სკოლას მრავალფეროვანი სასწავლო პროგრამა აქვს. აქ აღსაზრდელები ხატვას, ფერწერას, მოდელირებას და გამოყენებითი ხელოვნების ისტორიას სწავლობენ, ეუფლებიან კომპოზიციაზე, ქანდაკებაზე, მინანქარზე, კერამიკასა და თექაზე მუშაობას. ასევე, ახალი სასწავლო წლიდან მოსწავლეები ხალიჩების ქსოვას ისწავლიან