Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ერევანში, საპატრულო პოლიციის შენობაში შეჭრილი შეიარაღებული დაჯგუფების წინააღმდეგ ძალისმიერი ოპერაციის განხორციელების შესახებ გადაწყვეტილება, სავარაუდოდ, არ იქნება მიღებული. „ნიუსარმენიას“ ინფორმაციით, ამის შესახებ ცოტა ხნის წინ ჟურნალისტებს სომხეთის პოლიციის უფროსის მოადგილემ, უნან პოღოსიანმა განუცხადა.
მისი თქმით, ცივილიზებულ პირობებში მიმდინარეობს მოლაპარაკებები, რომელთა წყალობითაც ამ ადამიანებმა კეთილი ნება გამოიჩინეს და რამდენიმე მძევალი გაათავისუფლეს.
შეიარაღებული პირები, რომლებიც ერევანში პოლიციის შენობაში 17 ივლისს გამთენიისას შეიჭრნენ, სომეხი რადიკალური ოპოზიციის ლიდერის, ჟირაირ სეფილიანის გათავისუფლებას ითხოვენ, რომელიც ერთი თვის წინ იარაღის უკანონო შენახვის ბრალდებით დააკავეს.