რიმა ბერაძემ და ილია ჯიშკარიანმა მიუსაფარ ბავშვებს საჩუქრები გადასცეს

Доступно только по Грузински For the sake of viewer convenience, the content is shown below in the alternative language. You may click the link to switch the active language.

თბილისის მუნიციპალიტეტის საკრებულოს ჩუღურეთის რაიონის მაჟორიტარი წევრი რიმა ბერაძე და ისნის რაიონის მაჟორიტარი დეპუტატი ილია ჯიშკარიანი ჩუღურეთის რაიონში საპატრიარქოსთან არსებული ლომისის წმინდა გიორგის დედათა და ბავშვთა თავშესაფარს ეწვივნენ და პროდუქტი, საკანცელარიო ნივთები და პირადი მოხმარების საგნები გადასცეს.
დეპუტატებთან ერთად თავშესაფარს საქველმოქმედო ორგანიზაციის „კეთილი სამარიელი“ წარმომადგენლებიც ეწვივნენ და ილია ჯიშკარიანის შუამდგომლობით ბენეფიციარებს საჩუქრები გადასცეს.
ორგანიზაციას, რომელიც დედა ბარბარემ და მამა იოანემ საკუთარი სახსრებით რამდენიმე წლის წინ დააარსეს, 2-დან 10 წლამდე ასაკის 18 აღსაზრდელი ყავს და მას თავშესაფრის სტატუსი აქვს მინიჭებული.