Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე შალვა პაპუაშვილი, საპარლამენტო დელეგაციის წევრებთან ერთად, საფრანგეთის ეროვნული ასამბლეის ვიცე-პრეზიდენტს ვალერი რაბოს შეხვდა. მხარეებმა საქართველოსა და საფრანგეთს შორის არსებულ ურთიერთობებზე ისაუბრეს. შალვა პაპუაშვილმა ფრანგ კოლეგას მიაწოდა დეტალური ინფორმაცია რეგიონში მიმდინარე მოვლენებსა და საქართველოს წინაშე არსებული უსაფრთხოების გამოწვევების შესახებ. აგრეთვე, ესაუბრა საქართველოს მიერ ევროკავშირის რეკომენდაციების განხორციელების პროცესზე და იმედი გამოთქვა, რომ საფრანგეთი ევროკავშირში საქართველოს, მოლდოვასა და უკრაინის შემდგომ ინტეგრაციას დაუჭერს მხარს. შეხვედრა ხორვატიის დედაქალაქ ზაგრებში მიმდინარე ყირიმის საერთაშორისო პლატფორმის პირველი საპარლამენტო სამიტის ფარგლებში გაიმართა. საქართველოს საპარლამენტო დელეგაციის შემადგენლობაში პარლამენტის თავმჯდომარესთან ერთად, ვიცე-სპიკერი არჩილ თალაკვაძე და საგარეო ურთიერთობათა კომიტეტის თავმჯდომარე ნიკოლოზ სამხარაძე შედიან.