Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე შალვა პაპუაშვილი სომხეთის რესპუბლიკის პრეზიდენტ ვაჰაგნ ხაჩატურიანს შეხვდა.
შეხვედრაზე პარლამენტის თავმჯდომარემ აღნიშნა, რომ სიმბოლურია სომხეთის პრეზიდენტის მიერ თავისი პირველი ვიზიტის საქართველოში განხორციელება, რაც კიდევ ერთხელ ხაზს უსვამს ორ ქვეყანას შორის არსებული ურთიერთობების მნიშვნელობას. მხარეებმა ისაუბრეს საქართველოსა და სომხეთის რესპუბლიკას შორის ნაყოფიერ თანამშრომლობაზე სხვადასხვა სექტორში. დადებითად შეფასდა მაღალი დონის ვიზიტების დინამიკის ზრდა. შეხვედრაზე განიხილეს რეგიონში მიმდინარე მოვლენები და ის ნაბიჯები, რომლებიც იდგმება რეგიონული მშვიდობისა და სტაბილურობის მისაღწევად. მხარეებმა გამოხატეს მზადყოფნა ორმხრივი ურთიერთობების შემდგომი განვითარებისთვის.