Доступно только по Грузински For the sake of viewer convenience, the content is shown below in the alternative language. You may click the link to switch the active language.
ხობის კულტურის სახლის რეაბილიტაცია, რომელიც ათეული წლებია განახლებას საჭიროებდა, დასრულების ეტაპზეა. რეაბილიტირებული კულტურის ცენტრი მალე, სრულად შესძლებს ადგილობრივი თუ ეროვნული ღონისძიებების მასპინძლობას.
სამუშაოების ძირითადი ნაწილი დასრულებულია. განახლდა შიდა და გარე ინტერიერი, შეიცვალა სცენა, მოეწყო მთავარი დარბაზი, საგრიმიორო და სარეპეტიციო ოთახები.
შესრულებული სამუშაოები რეგიონული განვითარებისა და ინფრასტრუქტურის მინისტრმა ზურაბ ალავიძემ, ხობის მაჟორიტარ დეპუტატთან ირაკლი (დაჩი) ბერაიასთან, ხობის მუნიციპალიტეტის ხელმძღვანელობასთან და ადგილობრივი ხელისუფლების წარმომადგენლებთან ერთად დაათვალიერა.
პროექტით გათვალისწინებული სამუშოების ფარგლებში, ასევე დამონტაჟდება განათების, გათბობისა და წყლი სსისტემები. რეაბილიტაცია ითვალისწინებს უსაფრთხოების სისტემების გამართვასა და თანამედროვე სტანდარტების შესაბამისად მოწყობასაც.
პროექტი სახელმწიფო ბიუჯეტიდან ფინანსდება და მისი ღირებულება 850 000 ლარია.