ანანურის ციხე-კომპლექსის მიმდებარე ტერიტორიის კეთილმოწყობის სამუშაოები დუშეთის მუნიციპალიტეტის მერის პირველმა მოადგილემ, გიორგი თანიაშვილმა საკრებულოს, მერის და ინფრასტრუქტურის სამსახურის წარმომადგენლებთან ერთად მოინახულა. მიმდინარე პროექტის ფარგლებში დაგეგმილია ასფალტის საფარის დაგება; ძველი სავაჭრო დახლების ნაცვლად თანამედროვე ჯიხურები განთავსება; გარე განათების დამონტაჟება; ტურისტული ინფრასტრუქტურის კეთილმოწყობა; პარკირების სივრცის და სველი წერტილების მოწყობა. აღნიშნული სამუშაოები რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება, ხოლო შემსრულებელ კომპანიებს წარმოადგენენ: ამხანაგობა “ენკა”, შპს “ზიმო” და შპს “სამება”.
გიორგი თანიაშვილის თქმით, პროექტის განხორციელების შემდეგ სოფელი ანანური ადგილობრივი მოსახლეობისა და ტურისტებისთვის კიდევ უფრო მიმზიდველ ადგილად გადაიქცევა.
ანანურის ციხე-კომპლექსის კეთილმოწყობის სამუშაოები აქტიურად მიმდინარეობს
![](https://www.prof-news.com/wp-content/uploads/66371796_2309512242501733_8896573232342106112_n.jpg)
11/07/2019