ბათუმის მერმა გიორგი ერმაკოვმა ბათუმის ბოტანიკური ბაღის დირექტორთან ირაკლი არჩაიასთან ერთად ბოტანიკურ ბაღში დასრულებული სარეაბილიტაციო სამუშაოები დაათვალიერა. ბოტანიკური ბაღის ქვედა პარკის ტერიტორიის კეთილმოწყობის სამუშაოები მიმდინარე წლის აპრილის თვეში დაიწყო და ივლისში დასრულდა. სამუშაოების ფარგლებში ორი მნიშვნელოვანი ინფრასტრუქტურული პროექტი განხორციელდა. რეკონსტრუქცია-რეაბილიტაცია ჩაუტარდა ქვედა პარკს, მოეწყო ოთხი მოსასვენებელი სივრცე, სადაც მსურველებს უახლოეს პერიოდში შესაძლებლობა ექნებათ ისარგებლონ უფასო WI FI-ით. კეთილმოეწყო სამარშრუტო გზა, დაიგო ბეტონის საფარი და დეკორატიული ფილები. დამონტაჟდა სანიაღვრე ქსელი, ახალი დეკორატიული საპარკე ტიპის განათების ბოძები და ვიდეოსამეთვალყურეო კამერები. მიწისქვეშ გატარდა ელექტრო და ოპტიკურბოჭკოვანი სადენები, განთავსდა ახალი საბაღე დეკორატიული სკამები და სანაგვე ურნები.
0