Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გეჯეთის ადმინისტრაციულ ერთეულში საბავშვო ბაღის შენობის სრული რეაბილიტაცია მიმდინარეობს. ეკონომიკის სამინისტროს ბალანსზე მყოფი შენობა სენაკის მუნიციპალიტეტს, გამგეობის მოთხოვნით, 2016 წელს გადმოეცა. 2017 წლის 12 ივლისიდან დაიწყო 30-ზე მეტ ბავშვზე – მზარდი კონტიგენტით გათვლილი სკოლამდელი დაწესებულების შენობის რეაბილიტაცია.
მიმდინარე სამუშაოები მუნიციპალიტეტის გამგებელმა გოჩა დგებუაძემ, გამგებლის მოადგილეებმა: თენგიზ ლომიამ, ნატო ფულარიამ და შესაბამისი სამსახურების წარმომადგენლებმა დაათვალიერეს.
თანამედროვე სტანდარტების საბავშვო ბაღი – საძინებლით, სათამაშო და სასადილო ოთახებით, მოწესრიგებული სველი წერტილებით, სამზარეულოთი და გარდერობით, სექტემბრის ბოლოს, ახალი სასწავლო წლისთვის მიიღებს აღსაზრდელებს. სამუშაოებს ელექტრონულ ტენდერში გამარჯვებული შპს ,,მშენსერვისი-7’’ ასრულებს.