Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თბილისის მუნიციპალიტეტის საკრებულოს თავმჯდომარე გიორგი ალიბეგაშვილი დიმიტრი ყიფიანის სახელობის დარბაზში ისრაელის ცენტრის „ ახალგაზრდა ელჩების ეროვნული სკოლა“ წარმომადგენლებს შეხვდა, რომლებიც საქართველოს ებრაელი და ქართველი ხალხის 25 წლის იუბილისადმი მიძღვნილ ღონისძიების ფარგლებში ესტუმრნენ.
შეხვედრა, რომლის მიზანი ახალგაზრდებისთვის დარგობრივი ცოდნის და გამოცდილების გაზიარებაა, საქართველოს პატრიარქის ფონდის ხელმძღვანელის ლაშა ჟვანიას ინიციატივით შედგა.
მიღებაზე საკრებულოს თავმჯდომარემ ახალგაზრდებს ებრაელი და ქართველი ხალხის მრავალსაუკუნოვანი ურთიერთობების შესახებ ესაუბრა, ცენტრის წარმომადგენლებს საკრებულოს შენობის ისტორია გააცნო და დედაქალაქის წარმომადგენლობითი ორგანოს მუშაობის სპეციფიკაზე მიაწოდა ინფორმაცია.
ახალგაზრდებმა, თავის მხრივ, გიორგი ალიბეგაშვილს მიღებისთვის მადლობა გადაუხადეს და ცენტრის მიზნებსა და მიმართულებებზე ისაუბრეს.
ისრაელის ცენტრი, რომლის მიზანი საზოგადოების სრულფასოვანი წევრების აღზრდაა, ახალგაზდებისთვის შესაბამისი განათლების მიცემას, თვითრეალიზაციისათვის საჭირო ცოდნის მიღებას და ასევე პერსონალური, ინტელექტუალური და ემოციური უნარების განვითარებას ემსახურება.
ცენტრის წარმომადგენელთა აზრით, უკეთესი საზოგადოების ჩამოყალიბება სოციალური ჩართულობით, მეწარმეობით და პასუხისმგებლობის საკუთარ თავზე აღებითაა შესაძლებელი.