Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქვეყნის საინვესტიციო შესაძლებლობებს, ტურისტულ პოტენციალს და მიმდინარე ინფრასტრუქტურულ პროექტებს საუდის არაბეთის ერთ-ერთი უმსხვილესი კომპანიის, Al-Bawani Group-ის აღმასრულებელი დირექტორი, ფახერ ალ შავაფი ეცნობა.
Al-Bawani Group-ი, რომელსაც საქმიანობის 30-წლიანი გამოცდილება აქვს, სხვადასხვა სფეროში მოღვაწე 10-ზე მეტ კომპანიას აერთიანებს. ჯგუფის წამყვანი სფერო მშენებლობაა. Al-Bawani Group-ი ძირითადად სახელმწიფო სექტორთან თანამშრომლობს და საუდის არაბეთის სამეფოს რამდენიმე სამინისტროსა და უმსხვილესი კომპანიის კონტრაქტორია. ჯგუფი აშენებს სავაჭრო ცენტრებს, საცხოვრებელ კომპლექსებს, სამხედრო დანიშნულების ობიექტებს, ასევე, მონაწილეობს სხვადასხვა ინფრასტრუქტურულ პროექტში. უკანასკნელი 5 წლის განმავლობაში ჯგუფის ბრუნვამ 1.6 მილიარდ აშშ დოლარზე მეტი შეადგინა.