Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გარემოს დაცვისა და სოფლის მეურნეობის მინისტრის მოადგილე გიორგი ხანიშვილი ჩინეთის სახალხო რესპუბლიკის ძენსის პროვინციის დელეგაციის წევრებს შეხვდა. შეხვედრაზე გიორგი ხანიშვილმა საქართველო-ჩინეთის სახალხო რესპუბლიკას შორის მჭიდრო ეკონომიკური ურთიერთობის მნიშვნელობაზე ისაუბრა.
მინისტრის მოადგილემ ყურადღება ჩინეთის სახალხო რესპუბლიკაში ქართული ღვინის ექსპორტის მზარდ დინამიკაზე და ღვინის პოპულარიზაციის საქმეში ჩინეთის სახალხო რესპუბლიკაში გახსნილი ქართული სახლების მნიშვნელობაზე გაამახვილა.
საუბარი შეეხო საქართველოში ინვესტიციების განხორციელების შესაძლებლობების საკითხებს, ასევე თავისუფალი ვაჭრობის შესახებ შეთანხმებას და აღინიშნა, რომ აღნიშნული შეთანხმება კიდევ უფრო დააახლოებს ქვეყნების ეკონომიკას და უფრო დინამიკურს გახდის სავაჭრო ურთიერთობებს.
შეხვედრაზე ჩინურმა მხარემ სურვილი გამოთქვა უფრო აქტიური გახდეს და გაღრმავდეს საქართველოსთან თანამშრომლობა ჩაის კულტურის, სასოფლო-სამეურნეო ტექნიკისა და სასათბურე მეურნეობების განვითარების მიმართულებებით.
#სოფლისმეურნეობა