Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
იმერეთში სახელმწიფო რწმუნებულის–გუბერნატორის მოვალეობის შემსრულებელმა გრიგოლ დალაქიშვილმა და თერჯოლის მერმა ბონდო სოფრომაძემ მუნიციპალიტეტში მიმდინარე და დასრულებული ინფრასტრუქტურული პროექტები დაათვალიერეს. ამ ეტაპზე თერჯოლაში რამდენიმე სოფლამდე მისასვლელი გზისა და დაზიანებული საყრდენი კედლების სამუშაოები ხორციელდება.მონიტორინგის ფარგლებში გრიგოლ დალაქიშვილი გოდოგანი–ნაგარევი–ბროლისქედის დამაკავშირებელი გზის, სოფელ ეწერისა და რობაქიძის ქუჩაზე მიმდინარე საგზაო ინფრასტრუქტურის მოწყობის სამუშაოებს ადგილზე გაეცნო.
მუნიციპალიტეტში უახლოეს პერიოდში სასმელი წყლის მაგისტრალების მოწყობა იგეგმება სოფლებში: ზედა სიმონეთში, სიქთარვასა და ბარდუბანში, ასევე ქალაქში ჯაბიძის ქუჩაზე.
2018 წელს თერჯოლაში 16 მასშტაბური პროექტის განხორციელება იგეგმება.