გურიის რეგიონში სტიქიის სალიკვიდაციოდ ინტენსიური მუშაობა მიმდინარეობს. ცენტრალური და ადგილობრივი ხელისუფლების წარმომადგენლები, კოორდინირებულ რეჟიმში განაგრძობენ მუშაობას. ამ დროისთვის სტაბილური ვითარებაა. სტიქიის სალიკვიდაციო ღონისძიებების ფარგლებში მოსახლეობა მარაგდება საჭირო მასალით. ელექტროენერგიის მიწოდების მხრივ პრობლემები აღმოფხვრილია. ყველა შესაბამისი სამსახური მუშაობის საგანგებო რეჟიმზე რჩება, შექმნილი საგანგებო შტაბები მუშაობენ 24 საათის განმავლობაში.
დღეს ჩოხატაურში სტიქიით დაზარალებულებთან იმყოფებოდნენ, საქართველოს რეგიონალური განვითარებისა და ინფრასტრუქტურის სამინისტროს წარმომადგენელი ოთარ არევაძე, გურიის გუბერნატორის მოადგილე ქეთევან მოისწრაფეშვილი და მუნიციპალიტეტის მერი ირაკლი კუჭავა.
0