Доступно только по Грузински For the sake of viewer convenience, the content is shown below in the alternative language. You may click the link to switch the active language.
თბილისის განვითარების ფონდი ქალაქის ისტორიულ ნაწილში, შალვა დადიანის ქუჩა N32-N34-ში მდებარე 2 კულტურული მემკვიდრეობის ძეგლის სარეაბილიტაციო სამუშაოებს ახორციელებს. სამუშაოები პროექტ “ახალი ტფილისის” ფარგლებში, ისტორიული შენობების რეაბილიტაციის პროგრამის ნაწილია. ამჟამად, ისტორიულ სახლებზე შემდეგი სამუშაოები მიმდინარეობს: შენობების სრული კონსტრუქციული გამაგრება ; არსებული აივნების და დეკორატიული ელემენტების რესტავრაცია, ხოლო დაზიანებული ხის დეტალების შეცვლა ახალი ანალოგიური ნაკეთობებით; ახალი კარ-ფანჯრების მოწყობა; დაზიანებული სახურავების მთლიანად შეცვლა და ახლის მოწყობა; შიდა და გარე საინჟინრო ქსელის შეცვლა (წყალმომარაგება, კანალიზაცია, ელ. მომარაგება, სუსტი დენები) ეზოს შიდა მხარეს არსებული ავარიული სახლის დემონტაჟი და ახლის მოწყობა. თბილისის განვითარების ფონდი შალვა დადიანის ქუჩა N32 -ში მდებარე საცხოვრებელი სახლის რეაბილიტაციას წლის ბოლომდე, ხოლო N34-ში ისტორიული შენობის სარეაბილიტაციო სამუშაოებს 2018 წლის პირველ კვარტალში დაასრულებს.