Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დუშეთის მუნიციპალიტეტში, საბავშვო ბაღების აპრილის თვის სასურსათო მარაგი გაიცა. საკვები პროდუქტით დაკომპლექტებული პაკეტი მუნიციპალიტეტის მასშტაბით მოქმედი 18 ბაღის 700-მდე აღსაზრდელმა მიიღო. სურსათის გაცემის პროცესში, საბავშვო ბაღების პერსონალთან ერთად, აქტიურად ჩაერთნენ მოხალისეებიც. ადგილზე არსებულ ვითარებას მცხეთა-მთიანეთის სახელმწიფო რწმუნებული შალვა კერესელიძე და დუშეთის მუნიციპალიტეტის მერი ზურაბ სეხნიაშვილი გაეცნენ. აღსანიშნავია, რომ სკოლამდელი აღზრდის დაწესებულებების მარტის თვის სასურსათო მარაგი მცხეთა-მთიანეთში შემავალ ყველა მუნიციპალიტეტში გაიცა. ჯამში, ძირითადი მოხმარების, არამალფუჭებადი სასურსათო პროდუქტით დაკომპლექტებული კალათი 70-მდე საბავშვო ბაღის 3716-მა აღსაზრდელმა მიიღო.