ერთკვირიანი გვალვის გამო, მდინარეებსა და სარწყავ არხებში წყლის დონემ მკვეთრად დაიკლო

Доступно только по Грузински For the sake of viewer convenience, the content is shown below in the alternative language. You may click the link to switch the active language.

ერთკვირიანი გვალვის გამო, მდინარეებსა და შესაბამისად, სარწყავ არხებში მკვეთრად დაიკლო წყლის დონემ. სოფელ ხელთუბანში, სარწყავის წყლის შეფერხებით მიწოდების გამო უკმაყოფილო მოსახლეობას შიდა ქართლის გუბერნატორი შეხვდა. კახა სამხარაძემ ხელთუბნელებისგან არსებული შექმნილი მდგომარეობის შესახებ ინფორმაცია მიიღო და განაცხადა, რომ ვითარების დასარეგულირებლად საქართველოს მელიორაციის სამსახურის სპეციალური შტაბი საგანგებო რეჟიმით მუშაობს და ვითარების სრულად შესწავლის საფუძველზე, ყველაფერი გაკეთდება იმისთვის, რომ მოსახლეობას დახმარება გაეწიოს.