ვაპირებთ სტიქიით დაზარალებულ სოფლებში შესაბამისი პრეპარატები ჩავიტანოთ

Доступно только по Грузински For the sake of viewer convenience, the content is shown below in the alternative language. You may click the link to switch the active language.

სტიქიის შედეგად საქართველოს რეგიონებისთვის მიყენებული ზარალის შედეგები დღეს მთავრობის სხდომაზე განიხილეს. ამის შესახებ სოფლის მეურნეობის მინისტრმა ოთარ დანელიამ ჟურნალისტებს შესაბამის თემაზე კომენტირებისას განუცხადა. როგორც დანელიამ აღნიშნა, საქართველოს მასშტაბით 13 ათას ჰექტრამდე 91 სოფელი არის დაზარალებული.
მისივე განმარტებით, აქვს გარკვეული ინიციატივები, რომლითაც მთავრობის დღევანდელ სხდომაზე წარსდგა, თუმცა მინისტრმა აღნიშნა, რომ ინიციატივა, არ გულისხმობს ანაზღაურების საკითხს, არამედ მოიაზრება შესაბამისი პრეპარატების დისტრიბუცია დაზარალებულ სოფლებში.

„ინიციატივა გულისხმობს შესაბამისი პრეპარატების დისტრიბუციას იქ, სადაც ამის აუცილებლობაა, რომ ფიზიკურად გადარჩეს ხეხილი და ნარგავები. მიმდინარეობს დათვლა და აქედან გამომდინარე მივიღებთ საბოლოო გადაწყვეტილებას სოფლის მეურნეობის სამინისტროს კომპეტენციის ფარგლებში“, – განაცხადა დანელიამ.