თევზის ქონი არის სითხე, რომელიც მზადდება თევზის ცხიმისგან. ამ ცხიმების ძირითადი შემადგენელია ომეგა 3, სწორედ ის თამაშობს დიდ როლს უჯრედების აღდგენაში, ტვინის ფუნქციონირების გაუმჯობესებაში. ორგანიზმს ამ ცხიმის დამოუკიდებლად წარმოება არ შეუძლია, ამიტომ მას საკვებიდან ვიღებთ.
თევზის ქონი გვხვდება, როგორც თხევად მდგომარეობაში, ასევე აბების სახით. ისინი შეიცავენ დიდი რაოდენობით ომეგა 3-ს და ორგანიზმში ამცირებენ ანთებით პროცესებს, აღადგენენ ქსოვილებს.
სასარგებლო თვისებების გამო ის ძირითადად იმუნიტეტის გასამყარებლადაც გამოიყენება. გთავაზობთ მცირე ჩამონათვალს რისთვისაც სასარგებლოა მისი მიღება:
დეპრესიის განკურნება
დეპრესია მსოფლიოში ერთ-ერთი ყველაზე გავრცელებული პრობლემაა. რამდენიმე კვლევამ აჩვენა, რომ თევზის ქონს პოზიტიური ეფექტის მოხდენა შეუძლია დეპრესიის სიმპტომებზე. დეპრესიის მკურნალობის დროს თევზის ქონის გამოყენება 30 %-ით უფრო მეტად აუმჯობესებს შედეგს. დეპრესიის გარდა, თევზის ქონის პოზიტიური გავლენა დაადასტურეს სხვა და სხვა სახის ფსიქიკური აშლილობის დროსაც.
სისხლის მაღალი წნევა
ყოველი მესამე ადამიანი მაღალი წნევის პრობლემით იტანჯება. ბოლოს ჩატარებული კვლევების თანახმად, თევზის ქონი მაღალი წნევის დასარეგულირებელი ერთ-ერთი საუკეთესო ბუნებრივი საშუალებაა.
ართრიტი
თევზის ქონის რეგულარული გამოყენება თავიდან აგარიდებთ ართრიტს. თევზის ქონი ანთებითი პროცესების დროს საუკეთესო საშუალებაა, ის დაგეხმარებათ რევმატული ტკივილების შემცირებაშიც.
ეს იმ თვისებების მცირე ჩამონათვალია, რომელსაც ორგანიზმს თევზის ქონის მიღებით მოუტანთ.
0