Доступно только по Грузински For the sake of viewer convenience, the content is shown below in the alternative language. You may click the link to switch the active language.
ფოთში ტუბრკულოზის, შიდსისა და c ჰეპატიტის გამოვლენისა და სკრინინგის პილოტური პროგრამის განხორციელება იწყება. ქალაქის მუნიციპალიტეტის მერიაში, პროგრამის – “ტუპერკულოზის, აივ/ინფექცია შიდსის, C ჰეპატიტის სკრინინგის ინტეგრირება პირველად ჯანდაცვაში და პატრნიორობის განვითარება დაავადებათა ადრეული გამოვლენისთვის სამეგრელო-ზემო სვანეთის რეგიონში” ფარგლებში, საინფორმაციო შეხვედრა გაიმართა. პროექტის ხელმძღვანელებმა ბექა იოსელიანმა და უკა კილაძემ პროექტის მიზნებზე ისაუბრეს. შეხვედრას მერის მოადგილე მამუკა პაპასკირი, ა(ა)იპ “საზოგადოებრივი ჯანდაცვის ცენტრის“-ს ხელმძღვანელი ნანა მხეიძე და სამედიცინო სფეროს წარმომადგენლები დაესწრნენ. ქალაქ ფოთის მერის გოჩა კურდღელიას გადაწყვეტილებით, პროგრამის განხორციელებას ადგილობრივი ბიუჯეტი უზრუნველყოფს.