ენერგეტიკის მინისტრი კახა კალაძე, ენერგეტიკის მინისტრის მოადგილე ირაკლი ხმალაძე, საქართველოს სახელმწიფო ელექტროსისტემის მმართველი სულხან ზუმბურიძე და საქართველოს ნავთობისა და გაზის კორპორაციის დირექტორი დავით თვალაბეიშვილი გერმანიის რეკონსტრუქციის საკრედიტო ბანკის (KFW) რეგიონულ დირექტორს ოლაფ ზიმელკას შეხვდნენ. შეხვედრაზე მხარეებმა საქართველოში გერმანიის განვითარებისა და რეკონსტრუქციის ბანკის მიერ დაფინანსებული ენერგეტიკული პროექტები და თანამშრომლობის სამომავლო პერსპექტივები განიხილეს. გერმანიის განვითარებისა და რეკონსტრუქციის ბანკს საქართველოს ენერგეტიკაში 300 მლნ ევრომდე ინვესტიცია აქვს განხორციელებული, როგორც განახლებადი ენერგიების ათვისების, ასევე ელექტრო გადამცემი ხაზების და ქვესადგურების მშენებლობა/რეაბილიტაციის მიმართულებით.
0