დეპუტატებმა მესამე მოსმენით განიხილეს და 104 ხმით, ერთხმად მიიღეს პარლამენტის რეგლამენტის პროექტში შესატანი ცვლილება. ცვლილების თანახმად, პარლამენტი საქართველოს სახალხო დამცველის ღია კენჭისყრით აირჩევს. კანონპროექტის ინიციატორი საპარლამენტო ოპოზიციის წარმომადგენელი, პოლიტიკური გაერთიანება „მოქალაქეების“ წევრი ლევან იოსელიანია.
პარლამენტმა კანონპროექტი დაჩქარებული წესით განიხილა და მიიღო. მოქმედ სახალხო დამცველს, ნინო ლომჯარიას უფლებომისილების ვადა წლის ბოლოს ეწურება. პარლამენტმა ახალი ომბუდსმენი დეკემბერში უნდა აირჩიოს, რასაც 90 დეპუტატის ხმა სჭირდება.
Visited 41 times, 1 visit(s) today