Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სამცხე-ჯავახეთის სამხარეო ადმინისტრაციაში საკონსულტაციო საბჭოს სხდომა გაიმართა. სხდომას მხარის რწმუნებული ბესიკ ამირანაშვილი ხელმძღვანელობდა. საბჭოზე განიხილეს სამცხე-ჯავახეთის სტრატეგიის სამოქმედო გეგმით გათვალისწინებული საკითხები, მუნიციპალიტეტების მიერ დაგეგმილი ინფრასტრუქტურული პროექტები. პროექტები გათვალისწინებულია მოსახლეობის ინტერესებიდან გამომდინარე. სხდომას სამცხე-ჯავახეთის სახელმწიფო რწმუნებულის მოადგილეები, შალვა ბერძენიშვილი და დავით ლომიძე, რწმუნებულის აპარატის ხელმძღვანელი პირები, ექვსივე მუნიციპალიტეტის მერები, საკრებულოს თავმჯდომარეები და მოადგილეები ესწრებოდნენ.