Доступно только по Грузински For the sake of viewer convenience, the content is shown below in the alternative language. You may click the link to switch the active language.
საგარეჯოში, სამხარეო – საკონსულტაციო საბჭოს მორიგი სხდომა გაიმართა, რომელსაც კახეთის სახელმწიფო რწმუნებული – ირაკლი ქადაგიშვილი, სახელმწიფო რწმუნებულის მოადგილე – გივი მეტრეველი, კახეთის რეგიონში შემავალი თვითმმართველი ერთეულების საკრებულოს თავმჯდომარეები და მერები ესწრებოდნენ. სხდომას უძღვებოდა სამხარეო ადმინისტრაციის რეგიონული პროექტების კოორდინირების სამსახურის უფროსი-ნათია ტატიშვილი.
საკონსულტაციო საბჭოს წევრებმა 2019 წელს კახეთის რეგიონში მიმდინარე პროექტების განხორციელების ეტაპები განიხილეს.
სხდომაზე წარმოდგენილი იქნა რამდენიმე მუნიციპალიტეტის და მათ შორის-საგარეჯოს მუნიციპალიტეტის დამატებითი საპროექტო წინადადებები და რეგიონული პროექტების მიმდინარეობის მონიტორინგის ანგარიში.
სხდომის ფარგლებში, აქცენტები გაკეთდა კახეთის რეგიონის მუნიციპალიტეტებში განსახორციელებელ შემდეგ მნიშვნელოვან პროექტებზე: სტიქიის პრევენცია, სოფლის მხარდაჭერის პროგრამა, გადაუდებელი სასწრაფო დახმარებისა და ამბულატორიების მშენებლობა-რეაბილიტაცია და სკოლების მცირე ინფრასტრუქტურული სამუშაოების პროექტები.