სამცხე-ჯავახეთში განახლებული ტურისტული საინფორმაციო ცენტრი გაიხსნა. მხარის რწმუნებულმა ბესიკ ამირანაშვილმა, საქართველოს ტურიზმის ეროვნული ადმინისტრაციის ხელმძღვანელმა და USAID- ის მისიის ხელმძღვანელმა, რწმუნებულის მოადგილეებთან, სამხარეო ადმინისტრაციის და ადგილობრივი ხელისუფლების წარმომადგენლებთან ერთად განახლებული საინფორმაციო ცენტრი დაათვალიერა და მისი მუშაობის სტრუქტურას გაეცნო. სტუმრებმა ასევე დაათვალიერეს დანიშნულების ადგილის მართვის ორგანიზაციის (DMO)-ს ოფისი. USAID/Zrda, საქართველოს ტურიზმის ეროვნულ ადმინისტრაციასთან ერთად, სამცხე-ჯავახეთსა და სამეგრელო-ზემო სვანეთში ტურიზმის განვითარების მოდელის შემუშავებას უწყობს ხელს. დანიშნულების ადგილის მართვის ორგანიზაციის (DMO) შექმნით კი Zrda და საქართველოს ტურიზმის ეროვნული ადმინისტრაცია ერთობლივად განსაზღვრავენ რეგიონში ტურიზმის განვითარებასთან დაკავშირებულ გამოწვევებს და დაადგენენ პრიორიტეტებს, რაც ხელს შეუწყობს რეგიონის პოპულარიზაციას და მის უკეთ წარმოჩენას, ასევე რეგიონებში ეკონომიკური ზრდისა და დასაქმების ხელშეწყობას.