Доступно только по Грузински For the sake of viewer convenience, the content is shown below in the alternative language. You may click the link to switch the active language.
საჩხერის მუნიციპალიტეტში ოლიმპიური ჩემპიონისა და მსოფლიო რეკორდსმენის, ლაშა ტალახაძის დახვედრის გრანდიოზული ცერემონიალი გაიმართა. ლაშა ტალახაძესთან ერთად საჩხერეში იმყოფებოდნენ რიოს ოლიმპიადის გამარჯვებული, საქართველოს სახელით მოასპარეზე შვიდივე მედალოსანი და ძალოსნობის ყველა დროის ოლიმპიური ჩემპიონები.
ღონისძიებას საქართველოს პარლამენტის ვიცე-სპიკერი მანანა კობახიძე, იმერეთში სახელმწიფო რწმუნებულის-გუბერნატორის მოადგილე იოსებ ხახალეიშვილი, სპორტისა და ახალგაზრდობის მინისტრის მოადგილე შალვა გოგოლაძე და ოლიმპიური კომიტეტის წარმომადგენლები ესწრებოდნენ.
ოლიმპიურ ჩემპიონს ლაშა ტალახაძეს ადგილობრივმა თვითმართველობამ, საქართველოს ოლიმპიურმა კომიტეტმა და სხვადასხვა კომპანიებმა პრიზები გადასეცეს და კიდევ ერთხელ მიულოცეს წარმატება.
დაჯილდოების შემდეგ კონცერტი გაიმართა, რომელშიც მომღერლები: ანრი ჯოხაძე, გიორგი სუხიტაშვილი, სოფო ხალვაში და ანსამბლი ,,ქართული ხმები” მონაწილეობდნენ.