Доступно только по Грузински For the sake of viewer convenience, the content is shown below in the alternative language. You may click the link to switch the active language.
საოკუპაციო ხაზთან მდებარე სოფელ რუხში ფეხბურთის აკადემია აშენდება, ინფორმაცია ახალგაზრდა ფეხბურთელებს და რუხელებს ფეხბურთის ფედერაციის პრეზიდენტმა ლევან კობიაშვილმა, დეპუტატებთან და სამეგრელო-ზემო სვანეთის სახელმწიფო რწმუნებულის მოადგილე კობა ქანთარიასთან ერთად გააცნო. 6.5 ჰექტარ ფართობზე, ბუნებრივსაფარიანი და ხელოვნურსაფარიანი მოედანი განთავსდება. დამონტაჟდება თანამედროვე განათების სისტემა და ტრიბუნები. აშენდება სპორტსმენთა საცხოვრებელი კორპუსი და გასახდელები. ტერიტორიაზე, სადაც 2020 წელს სოფელ რუხის ფეხბურთის აკადემია იქნება, სიმბოლურად, სპეციალური კაფსულა ჩაეშვა. პროექტი საქართველოს ფეხბურთის ფედერაციის ინიციატივითა და სრული მხარდაჭერით ხორციელდება. დღესვე, რუხში, ეროვნული კატეგორიის С ლიცენზიის მქონე 36 მწვრთნელს, ფეხბურთის ფედერაციის პრეზიდენტმა ლევან კობიაშვილმა შესაბამისი ლიცენზიები გადასცა. ღონისძიებაში თასების მფლობელთა თასის გამარჯვებული თბილისის „დინამოს“ ვეტერანი ფეხბურთელები და ადგილობრივი თვითმმართველობის წარმომადგნელები მონაწილეობდნენ.