Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
მარნეულის მუნიციპალიტეტის სოფელ საბირქენდის, 450 მოსწავლეზე გათვლილ საჯარო სკოლას სრული რეაბილიტაცია ჩაუტარდა. დასრულებული ინფრასტრუქტურული პროექტი ქვემო ქართლში სახელმწიფო რწმუნებულმა, გიორგი დოხტურიშვილმა, ადგილზე მოინახულა.
ინფრასტრუქტურული პროექტის ფარგლებში:
მოხდა შენობის სრული რეაბილიტაცია და ახალი შენობა-ნაგებობის აშენება;
სრულად განახლდა შიდა ინტერიერი და საკლასო ოთახები;
მოეწყო გასართობი სივრცეები და სპორტული მოედანი;
დამონტაჟდა ახალი გათბობის და კანალიზაციის სისტემები;
მოპირკეთდა გარე სივრცე;
შენობა სრულად ადაპტირდა შეზღუდული შესაძლებლობის მქონე პირებისთვის.
ინფრასტრუქტურული პროექტი განახორციელა საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა და მისმა ღირებულებამ 6 264 667 ლარი შეადგინა. ინფრასტრუქტურული პროექტი რწმუნებულთან ერთად მისმა მოადგილემ, ილია ჯალაღანიამ, მარნეულის მუნიციპალიტეტის მერმა, კენან ომაროვმა, მარნეულის საკრებულოს თავმჯდომარემ, ამირან გიორგაძემ, მარნეულისა და გარდაბნის მაჟორიტარ-დეპუტატმა პარლამენტში, ზაურ დარგალმა და საქართველოს მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ მოინახულეს.