Доступно только по Грузински For the sake of viewer convenience, the content is shown below in the alternative language. You may click the link to switch the active language.
ფინანსთა მინისტრმა, ნოდარ ხადურმა და ფინანსთა მინისტრის პირველმა მოადგილემ, შემოსავლების სამსახურის უფროსმა, გიორგი თაბუაშვილმა აჭარის ავტონომიური რესპუბლიკის ქედის რაიონში სოფელი კოლოტაური მოინახულეს, რომელიც გასული წლის ნოემბერში, სტიქიის შედეგად, რაიონის სხვა სოფლების მსგავსად, დაზარალდა.
ზარალის შეფასების შემდგომ, სამინისტრომ ქედაში მომხდარი სტიქიის შედეგების სალიკვიდაციოდ შესაბამისი თანხა გამოყო.
დაპირების თანახმად, სახელმწიფო დაეხმარა სოფელ კოლოტაურში მცხოვრებ სალაძეების ოჯახს, რომელიც სტიქიის შედეგად, მცირეწლოვან ბავშვთან ერთად, უსახლკაროდ დარჩა. ამ დროისთვის სალაძეების სახლის მშენებლობა დასრულებულია და მიმდინარეობს კეთილმოწყობის სამუშაოები.