Доступно только по Грузински For the sake of viewer convenience, the content is shown below in the alternative language. You may click the link to switch the active language.
ჭიათურის მუნიციპალიტეტის საკრებულომ 2018 წლის მთავარი ფინანსური დოკუმენტი დაამტკიცა. საკრებულოს სხდომაზე, საფინანსო-საბიუჯეტო კომისიის თავმჯდომარის რომან მუმლაძის მიერ წარდგენილ ბიუჯეტის პროექტს, საკრებულოს წევრებმა მხარი დაუჭირეს. სხდომას ჭიათურის მერი პაატა ნადირაძე ესწრებოდა. 🔊 „როცა მერის უფლებამოსილების შესრულებას შევუდექი,მომავალი წლის ბიუჯეტი საკრებულოში უკვე გახლდათ წარდგენილი და შესაბამისად, დიდ ცვლილებებს ვერ შევიტანდი, თუმცა მისასალმებელია, რომ ბიუჯეტი გაზრდილია,რაც დადებითად აისახება ჩვენი მუნიციპალიტეტის განვითარებაზე“- აღნიშნა ჭიათურის მერმა და დეპუტატებს ერთსულოვნებისთვის მადლობა გადაუხადა. ჭიათურის მუნიციპალიტეტის 2018 წლის ბიუჯეტი 13 მილიონ 202 ათასი ლარით არის განსაზღვრული, რაც 2 მილიონ,8558 ათასი ლარით აღემატება 2017 წლის მაჩვენებელს. ბიუჯეტის პრიორიტეტებად კვლავ რჩება ინფრასტრუქტურის გაუმჯობესება, სოციალური საკითხები,კულტურის,სპორტის და ახალგაზრდობის ხელშეწყობა.