Доступно только по Грузински For the sake of viewer convenience, the content is shown below in the alternative language. You may click the link to switch the active language.
წყალტუბოს მუნიციპალიტეტის მერი გრიგოლ იოსელიანი მუნიციპალიტეტში მიმდინარე ინფრასტრუქტურულ პროექტებს გაეცნო. პირველი უმსხვილესი პროექტი, რომლიც ახალმა მერმა დაათვალიერა სოფელ ქვედა მესხეთში პირუტყვის გადასარეკი გვირაბის მოწყობაა, სამუშაოები 322460 ლარით 2017 წლის რეგიონული განვითარების ფონდიდან დაფინანსდა, გვირაბის გაკეთებას წლების განმავლობაში ითხოვდნენ ადგილობრივები, ვინაიდან დაახლოებით 8 კილომეტრი გზის შემოვლა უწევდათ. სამუშაოების 60 პროცენტი უკვე შესრულებულია. მუნიციპალიტეტის მერი გრიგოლ იოსელიანი და თანაშემწე ალექსანდრე დადუნაშვილი სოფელ მუხიანში, ბროწეულას დასახლებაშიც იმყოფებოდნენ, სადაც სამი მრავალბინიანი საცხოვრებელი სახლისთვის შეძენილია ტუმბო, უახლოეს დღეებში მოხდება მისი დამონტაჟება და მოგვარდება საკანალიზაციო ქსელის პრობლემა. სოფელ თერნალსა და კოპიტნარის დასახლებაში მდებარე საბავშვო ბაღებში ყოფნისას აღინიშნა, რომ კოპიტნარის დასახლების სკოლამდელი აღზრდის დაწესებულების ნაწილობრივი რეაბილიტაცია მომავალ წელს იგეგმება, ხოლო სოფელ თერნალის საბავშვო ბაღის კეთილმოწყობა ხდება სურსათის უვნებლობის სააგენტოს მითითებების შესაბამისად.
დღესვე, ბატონმა გრიგოლ იოსელიანმა ქალაქ წყალტუბოში, ზაალიშვილისა და ავალიანის ქუჩების გზების ბეტონის საფარის დაგების სამუშაოები დაათვალიერა.