Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოში ევროკავშირის მიერ დაფინანსებული სასოფლო-სამეურნეო კოოპერატივების მხარდასაჭერად განხორციელებული ოთხწლიანი მუშაობის შედეგების პრეზენტაცია გაიმართა. სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მცირე ფერმერთა კოოპერაციის კომპონენტის განმახორციელებელი კონსორციუმის წევრმა საერთაშორისო არასამთავრობო ორგანიზაციებმა- „ქეა“, „მერსი ქორი“, „ოქსფამი“ და „ფიფლ ინ ნიდ“, საქართველოში ოთხწლიანი მუშაობის შედეგები წარადგენეს. კონფერენცია ოფიციალურად გახსნეს სოფლის მეურნეობის მინისტრის პირველმა მოადგილემ , ნოდარ კერესელიძემ და საქართველოში ევროკავშირის წარმომადგენლობის პროექტების სამსახურის უფროსმა, კაიდო სირელმა. კონფერენციაში მონაწილეობა მიიღო სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ. მან სიტვით გამოსვლისას ხაზი გაუსვა სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მნიშვნელობას სასოფლო-სამეურნეო კოოპერატივების გაძლიერების მიმართულებით. მან ასევე ისაუბრა ერთობლივი მუშაობის შედეგად მიღწეულ წარმატებებზე. ღონისძიება პროექტის განმახორციელებელი პარტნიორების, დაინტერესებული პირებისა და ბენეფიციარი ფერმერების პრეზენტაციებს მოიცავდა. დისკუსია ევროკავშირის მიერ საქართველოში მხარდაჭერილ სასოფლო-სამეურნეო კოოპერატივებს და ENPARD-ის პროგრამის პირველი ფაზის ფარგლებში, 2014-2017 წლებში მიღწეულ შედეგებს ეხებოდა. კონფერენციის პარალელურად მოეწყობა ევროკავშირის მიერ მხარდაჭერილი კოოპერატივების გალერეა. სადაც წარმოდგენილი იყო სასოფლო-სამეურნეო კოოპერატივების მიერ წარმოებული პროდუქცია.