Доступно только по Грузински For the sake of viewer convenience, the content is shown below in the alternative language. You may click the link to switch the active language.
სამეგრელო-ზემო სვანეთის სახელმწიფო რწმუნებული ალექსანდრე მოწერელია, ზუგდიდის მუნიციპალიტეტის მერთან გიორგი შენგელიასთან, მოადგილე კონსტანტინე კაკავასთან და დასავლეთ საქართველოში იტალიური პროგრამების კოორდინატორთან გაგა შოთაძესთან ერთად, საქართველოში იტალიის ელჩს ენრიკო ვალვოს შეხვდა. შეხვედრაზე მხარეებმა რეგიონში არსებულ ეკონომიკურ და ტურისტულ პოტენციალზე ისაუბრეს. ქალაქებს შორის დამეგობრების საკითხი განიხილეს და ისეთ მნიშვნელოვან საკითხებზე იმსჯელეს როგორიცაა: სამომავლო თანამშრომლობის განვითარების შესაძლებლობები, ახალგაზრდული გაცვლითი პროგრამების შემუშავება, სოფლის მეურნეობის სფეროში თანამშრომლობა და ადგილობრივ დონეზე ეკონომიკური წყაროების ხელშეწყობა.