Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
კავკასიის გარემოსდაცვითი არასამთავრობო ორგანიზაციების ქსელმა CENN -მა, Global Water Challenge-ისა და კოკა-კოლას ფონდის(TCCF) ფინანსური მხარდაჭერით, New World-ის პროგრამის ფარგლებში, ბოლნისის WaSH საბჭოსა და საქართველოს ჯანდაცვის სამინისტროს თანთანამშრომლობით, ბოლნისის მუნიციპალიტეტში მცხოვრებ მრავალშვილიან ოჯახებსა და სოციალურად დაუცველ მოქალაქეებს, კორონავირუსის გავრცელების პრევენციის მიზნით, პირადი ჰიგიენის ნივთები გადასცა. პირადი ჰიგიენის ნივთები CENN-ის წარმომადგენელმა მარიკო წიქორიძემ, ბოლნისის მუნიციპალიტეტის მერის პირველ მოადგილესთან ბუბა გობეჯიშვილთან ერთად დაარიგა. აღსანიშნავია, რომ კავკასიის გარემოსდაცვითი არასამთავრობო ორგანიზაციების ქსელი ბოლნისის მუნიციპალიტეტში მომუშავე მედიკოსებისა და ამბულატორიებისთვის სპეციალური ეკიპირების გადაცემასაც გეგმავს.