საქართველოს ეკონომიკისა და მდგრადი განვითარების მინისტრმა გიორგი ქობულიამ, იმერეთში სახელმწიფო რწმუნებულმა შავლეგო ტაბატაძემ და ქუთაისის მერმა გიორგი ჭიღვარიამ ტექსტილის საწარმო „ემ-ჯი-ემ ტექსს“ (MGM TEX) დაათვალიერეს, რომელიც სახელმწიფო პროგრამის „აწარმოე საქართველოში“ ფარგლებში დაფინანსდა. საწარმოში სხვადასხვა ცნობილი ბრენდის ტანსაცმელი იკერება და სარეალიზაციოდ ევროპის ბაზარზე გააქვთ. საწარმოს საინვესტიციო ღირებულება 3 მილიონ ლარამდე არის და ამ ეტაპზე 300 ადგილობრივია დასაქმებული.
დღესვე, საქართველოს ეკონომიკისა და მდგრადი განვითარების მინისტრმა გიორგი ქობულიამ ქუთაისში მონაწილეობა მიიღო დასავლეთ საქართველოს რეგიონული ბიზნესფორუმის მუშაობაში. ღონისძიებას 200–მდე მეწარმე დაესწრო.
0