აღმოსავლეთ პარტნიორობის სამიტის ფარგლებში სომხეთსა და ევროკავშირს შორის ყოვლისმომცველი და გაფართოებული პარტნიორობის შესახებ შეთანხმებას მოეწერა ხელი. შესაბამის დოკუმენტს ხელი მოაწერეს სომხეთის საგარეო საქმეთა მინისტრმა ედვარდ ნალბანდიანმა და ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ. სამიტის საბოლოო დეკლარაციაში ასევე ნათქვამია, რომ საჭიროა დროულად დაიწყოს დიალოგი სომხეთთან ვიზალიბერალიზაციის საკითხზე, თუ შექმნილი იქნება პირობები უსაფრთხო გადაადგილებასთან დაკავშირებით, მათ შორის რეადმისიის შესახებ შეთანხმება. ხელმოწერილი შეთანხმების ფარგლებში მხარეები მზაობას გამოხატავენ, გააძლიერონ პოლიტიკური და ეკონომოკური თანამშრომლობა, მათ შორის ევროკავშირის პოლიტიკასა და პროგრამებში სომხეთის ჩართულობის გაზრდით.
0