Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
აბაშის მუნიციპალიტეტის ტერიტორიაზე გზების სარემონტო სამუშაოები აქტიურად მიმდინარეობს. მე-3 ეტაპის ფარგლებში ასფალტო-ბეტონის საფარი იგება: თავისუფლების და კილასონიას ქუჩის ჩიხებში; შუბლაძის ქუჩაზე (დ. კაჭარავას გადაკვეთიდან სკოლის მიმართულებით გზა); ვაჟა ფშაველას ქუჩაზე (თამარ მეფის ქუჩიდან გაბელაიას ქუჩამდე გზა); იოსელიანი ქუჩაზე; ცანავას ქუჩაზე ( გაზის კანტორიდან თავისუფლების ქუჩამდე); ალექსანდრე აბაშელის ქუჩაზე; ნინოშვილის l შესახვევიდან იოსელიანის ქუჩის შეერთებამდე გზაზე; გზის სარემონტო სამუშაოები მიმდინარეობს ასევე სოფელ ზანათში მდინარე აბაშის ხიდიდან სოფელი ნოსირის საზღვრამდე. სამუშაოებს ახორციელებს ელ-ტენდერში გამარჯვებული კომპანია სს. “არქეოპოლისი” „რეგიონული განვითარების პროექტების ფონდისა“ და ადგილობრივი ბიუჯეტის თანადაფინანსებით. პროექტების ჯამური ღირებულება შეადგენს 7 525 629 ლარს. მიმდინარე სამუშაოები დაათვალიერეს მუნიციპალიტეტის გამგებელმა მამუკა კვიტაშვილმა, გამგებლის მოადგილეებმა, ინფრასტრუქტურისა და ზედამხედველობის სამსახურის თანამშრომლებმა.