Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სამეგრელო-ზემო სვანეთის სახელმწიფო რწმუნებული ალექსანდრე მოწერელია რეგიონის მუნიციპალიტეტებში საჭიროებების განსაზღვრის და ინფრასტრუქტურული პროექტების მიმდინარეობის გასაცნობად შეხვედრებს განაგრძობს. სახელმწიფო რწმუნებული ამჯერად, მოადგილეებთან და რეგიონული პროექტების კოორდინირების სამსახურის უფროსთან ერთად ქალაქ ფოთის მუნიციპალიტეტში იმყოფება. მან ფოთის მერთან, საკრებულოს თავმჯდომარესთან და ადგილობრივი ხელისუფლების წარმომადგენლებთან ერთად მუნიციპალიტეტში არსებული პრობლემური საკითხები მიმოიხილა და ქალაქის განვითარებისთვის საჭირო პროექტების განხორციელებაზე ისაუბრა. სახელმწიფო რწმუნებული რეგიონის ყველა მუნიციპალიტეტში მსგავს შეხვედრებს მართავს, ის არსებულ საკითხებს პირადად გაეცნობა. ალექსანდრე მოწერელიამ შეხვედრები უკვე გამართა წალენჯიხის, ჩხოროწყუს, აბაშისა და მარტვილის მუნიციპალიტეტებში. დღესვე სახელმწიფო რწმუნებული ფოთში ინფრასტრუქტურული პროექტების მიმდინარეობას გაეცნობა.