Доступно только по Грузински For the sake of viewer convenience, the content is shown below in the alternative language. You may click the link to switch the active language.
მცხეთის მუნიციპალიტეტში, სოფ. აღდგომლიანთკარში, ახალდაბასა და ქალაქ მცხეთის არმაზის დასახლებაში, სასმელი წყლის სისტემაზე სარეაბილიტაციო სამუშაოები დასრულდა. აღნიშნული პროექტების დაფინანსება, ადგილობრივი მუნიციპალიტეტების თანადაფინანსებით, ამერიკულმა საქველმოქმედო ფონდმა „ლდს-ჩერიტი“ უზრუნველჰყო. ამერიკული გრანტის საერთო ოდენობამ 220 000 ლარი შეადგინა. რეაბილიტირებული პროექტები სასმელი წყლით ჯამში 400-ზე მეტ ოჯახს მოამარაგებს.
28 ივნისს, რეაბილიტირებული პროექტების ექსპლუატაციაში შესვლა ოფიციალურად აღინიშნა. ღონისძიებას ესწრებოდნენ მცხეთის მაჟორიტარი დეპუტატი დიმიტრი ხუნდაძე, მცხეთა-მთიანეთის სახელმწიფო რწმუნებული-გუბერნატორი გოჩა ზეიკიძე, გუბერნატორის მოადგილე თამაზ სუჯაშვილი, სამხარეო ადმინისტრაციისა და ადგილობრივი თვითმმართველობის წარმომადგენლები, „ლდს-ჩერიტი“-ს მისიის ხელმძღვანელები საქართველოში პეტ და ქორკა მაკფარლენები, ორგანიზაციის პრეზიდენტი ალექს ლობანოვი მეუღლესთან ერთად.