Доступно только по Грузински For the sake of viewer convenience, the content is shown below in the alternative language. You may click the link to switch the active language.
დაბა ახალდაბის საჯარო სკოლის შენობაში სრული ელექტრო რეაბილიტაციის სამუშაოები დაიწყო.
გამგებლის დიმიტრი ყიფიანის თქმით, სკოლაში არსებული ელ. სისტემა 1992-93 წლებში მთლიანად გამოვიდა მწყობრიდან, მას შემდეგ კი ელექტოენერგიის შეყვანა სკოლის მხოლოდ 3 კაბინეტში მოხერხდა.
„ფაქტიურად 2 ათეულ წელზე მეტია სკოლას არ აქვს ელექტოენერგია, რაც რიგ პრობლემებს უქმნის სასწავლო პროცესს. ადგილობრივი რესურსებით, ჩვენ გადავწყვიტეთ მოვახდინოთ არსებული ამორტიზებული ქსელის დემონტაჟი და სკოლის სამივე სართულზე გავიყვანოთ ელექტოგადამცემი ხაზები“- აღნიშნავს გამგებელი.
უნდა აღინიშნოს, რომ მიუხედავად იმისა, სკოლები მუნიციპალიტეტს არ ექვემდებარება, ადგილობრივი ხელისუფლება ცდილობს აქტიურად ჩაერთოს სკოლების რეაბილიტაციის პროექტებში და მოკრძალებული წვლილი შეიტანოს სასწავლო გარემოს გაუმჯობესების საქმეში. გასული 2 წლის განმავლობაში მუნიციპალიტეტის ხელშეწყობით, გარემონტდა პირველი და მეექვსე სკოლის სპორტული დარბაზები, გარე სპორტულ მოედანს რეაბილიტაცია ჩაუტარდა №4 და №1 საჯარო სკოლებში, ახალდაბის სკოლაში კი კეთილმოეწყო ინგლისური ენის კაბინეტი.
ტენდერი ჩატარდა და უკვე მოსამზადებელი სამუშაოები მიმდინარეობს №6 საჯარო სკოლაში გარე-სპორტული მოედნის რეაბილიტაციისათვის.