Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბათუმში, ხარიტონ ახვლედიანის ქუჩაზე, მრავალბინიან საცხოვრებელ კორპუსში ბუნებრივი აირი აფეთქდა. ადგილზე მობილიზებულია სამაშველო ბრიგადები და ფაქტზე მიმდინარეობს გამოძიება. აფეთქების შედეგად შვიდი ადამიანი დაშავდა, მათ შორის არიან მცირეწლოვანი ბავშვებიც. არცერთ მათგანს სიცოცხლესთან შეუთავსებელი დაზიანებები არ აღენიშნება. წინასწარი ინფორმაციით, ახვლედიანის ქუჩაზე მომხდარი აფეთქების შედეგად დაზარალდა შვიდი ოჯახი, რომელთაც მერიამ უკვე შესთავაზა დროებითი საცხოვრებელი ფართები. შემთხვევის წუთიდან, მერიის შესაბამის სამსახურებთან ერთად, ადგილზე იმყოფება ბათუმის მერი ლაშა კომახიძე. ამ დროისთვის მუნიციპალიტეტი მიყენებული ზარალის აღწერას ახორციელებს.