Доступно только по Грузински For the sake of viewer convenience, the content is shown below in the alternative language. You may click the link to switch the active language.
სახელმწიფო რწმუნებულმა ბესიკ ამირანაშვილმა, დაბა ბაკურიანის მოსახლეობას და დამსვენებლებს “ბაკურიანობის” დღესასწაული მიულოცა. 15-16 თებერვალს ბაკურიანში სახალხო დღესასწაული “ბაკურიანობა” აღინიშნა. გაიმართა სპორტული და გასართობი აქტივებები. ღონისძიებებს სამცხე-ჯავახეთის რწმუნებული ბესიკ ამირანაშვილი, სამხარეო ადმინისტრაციისა და ადგილობრივი თვითმმართველობის წარმომადგენლები, ადგილობრივი და უცხოელი ტურისტები ესწრებოდნენ. სხვადასხვა სახეობებში გამარჯვებულები სპორტსმენები, სამცხე-ჯავახეთის მხარის რწმუნებულმა ბესიკ ამირანაშვილმა, მხარისა და ადგილობრივი მუნიციპალიტეტის ხელმძღვანელმა პირებმა, თასებით, სიგელებით, მედლებითა და ფასიანი საჩუქრებით დააჯილდოვეს.
წელს ადგილობრივი მუნიციპალიტეტის ინიციატივით, პირველად გამოვლინდნენ და დააჯილდოვებენ „საპატიო ბაკურიანელები“ – მოთხილამურე, კობა წაქაძე და ელექტრიკოსი, ვიქტორ ნაგოგა. დღესასწაული გალა კონცერტით და გრანდიოზული ფოიერვერკით დაასრულდა. „ბაკურიანობა“ ტრადიციული სახალხო ზეიმია. მას ადგილობრივები კურორტის სტუმრებთან ერთად ზამთრის სეზონზე 2 დღის განმავლობაში აღნიშნავენ. წელს „ბაკურიანობა“ 48-ედ გაიმართა.