Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბორჯომის მუნიციპალიტეტში ხანძრის სალიკვიდაციო სამუშაოები სრული დატვირთვით მიმდინარეობს. საქართველოს პრემიერ-მინისტრი ადგილზე რჩება და საგანგებო შტაბის მუშაობას უშუალოდ ხელმძღვანელობს.
სალიკვიდაციო სამუშაოებში საქართველოს მნიშვნელოვანი საერთაშორისო დახმარება აღმოუჩინა აზერბაიჯანმა და თურქეთმა. სამუშაოებში ჩართულია 2 ქართული და 1 აზერბაიჯანული ვერტმფრენი, მობილიზებულია მძიმე ტექნიკა და ცოცხალი ძალა. ქართულ და აზერბაიჯანულ ვერტმფრენებთან ერთად, რამდენიმე საათში, საავიაციო სამუშაოებში ჩაერთვება თურქული მხარეც, რომელიც დამატებით 2 ვერტმფრენს და სპეციალურ სახანძრო თვითმფრინავს გამოაგზავნის. თავად თურქეთში ხანძრებთან დაკავშირებით არსებული პრობლემების მიუხედავად დახმარების აღმოჩენის შესახებ გადაწყვეტილება თურქეთის პრემიერ-მინისტრმა მიიღო. ქართულ მხარეს სალიკვიდაციო სამუშაოებში სახანძრო ტექნიკით ასევე დაეხმარება სომხეთი.