Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბორჯომის ხეობაში, დაბა წაღვერის მახლობლად, მთის ფერდობზე არსებულ ტყის მასივში გაჩენილი ხანძრის სალიკვიდაციო სამუშაოები გრძელდება. ნახანძრალი ტერიტორიის პრევენციული დამუშავების პროცესში შსს-ს საგანგებო სიტუაციების მართვის სააგენტოს მეხანძრე-მაშველები, შსს-ს განსაკუთრებულ დავალებათა დეპარტამენტის თანამშრომლები და ეროვნული სატყეო სააგენტოს წარმომადგენლები მონაწილეობენ. შსს–ს 550-მდე თანამშრომელი, მაღალი გამავლობის სახანძრო-სამაშველო ტექნიკისა და ალტერნეტიული ცეცხლმაქრი საშუალებების გამოყენებით, სამუშაოებს 24-საათიან რეჟიმში აწარმოებს. ხანძრის სალიკვიდაციო სამუშაოების უმოკლეს დროში დასრულების მიზნით, დილიდან მუშაობა განაახლა საქართველოსა და თურქეთის 2-მა ვერტმფრენმა. ავიაცია ნახანძრალ ტერიტორიაზე სამუშაოებს კონტროლის მიზნით ახორციელებს.