Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბორჯომში ხიდების რეაბილიტაცია გრძელდება. ამჯერად მასშტაბური სამუშაოები ქალაქის ცენტრში მდებარე ე.წ. დიდ ხიდზე დაიწყო. პროექტის მიხედვით, ხიდზე გათვალისწინებულია გზის სამოსის და ტროტუარების მოწყობა, ბურჯების, მოაჯირებისა და არსებული მილსადენის შეღებვა-შელესვის სამუშაოები.
ამ ეტაპზე ტერიტორიაზე მიმდინარეობს ტროტუარებისა და სამანქანო გზის დაზიანებული ასფალტობეტონის აფრეზვა, ასევე ბორდიურების დემონტაჟი. ხიდზე მოცულობითი სამუშაოები ჩატარდება, მისი იერსახე მნიშვნელოვნად შეიცვლება და ქალაქს ნამდვილად დაამშვენებს. დიდი ხიდი ცენტრალურ მაგისტრალს ქალაქის მთავარ ქუჩებთან აკავშირებს. პროექტი რეგიონალური განვითარების ფონდისა და ბორჯომის მუნიციპალიტეტის ერთობლივი დაფინანსებით ხორციელდება და მისი დასრულება ივლისის ბოლოს მოხდება. სამუშაოებისათვის 167 193 ლარი გაიხარჯება. აღსანიშნავია, რომ მიმდინარე წელს ბორჯომის მუნიციპალიტეტის ტერიტორიაზე 4 საფეხმავლო ხიდის მოწყობისა და 1 ახალი ხიდის მშენებლობა განხორციელდა.