Доступно только по Грузински For the sake of viewer convenience, the content is shown below in the alternative language. You may click the link to switch the active language.
თერჯოლის მუნიციპალიტეტის გამგებელმა თეიმურაზ ჯაფარიძემ და მოადგილე ნუკრი სარდანაძემ ინფრასტრუქტურული პროექტების მონიტორინგი განახორციელეს.
მოინახულეს სოფ. ჩხარი-ალისუბნის დამაკავშირებელი გზის 1,2 კმ.-იანი მონაკვეთი, სადაც მუნიციპალური განვითარების ფონდიდან გამოყოფილი თანხით (400 000 ლარი) დაიგო ასფალტის საფარი და სოფ. ალისუბანი-სკანდის გზის 3, 5 კმ.-იანი მონაკვეთი (დასასრული), სადაც დაიგო ბეტონის საფარი (რეგიონალური განვითარების ფონდი-639 990 ლარი). აღნიშნული ინფრასტრუქტურული პროექტები გასულ წელს დაიწყო. სულ სოფ. ჩხარი-ალისუბნის დამაკავშირებელი გზის 4,2 კმ.-იანი, ხოლო ალისუბანი-სკანდის გზის 7 კმ. -იანი მონაკვეთი რეაბილიტირდა. აღნიშნული გზების შეკეთებას წლების მანძილზე ითხოვდა ადგილობრივი მოსახლეობა.
მუნიციპალიტეტის გამგეობა ასევე მრავალბინიანი სახლების ეზოების კეთილმოწყობის პროექტს ახორციელებს. პროექტის ფარგლებში ეზოების მოწყობა ასფალტის საფარით მოხდება. რეაბილიტაციას 6 მრავალსართულიანი ბინის (რუსთაველის ქ. №100, №102, №104, №108, №114, №122) შიდა ეზო ექვემდებარება. სამუშაოებს შპს „ნიუ ფორსი“ ახორციელებს. ეზოების რეაბილიტაციისთვის ადგილობრივი ბიუჯეტიდან დაახლოებით 150 000 ლარი დაიხარჯება.