Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქალაქ წყალტუბოს მიწათსარგებლობის გენერალური გეგმისა და სოფლების გეგუთის, ქვიტირის, ფარცხანაყანევის, გუმბრის, წყალტუბოს განაშენიანების რეგულირების გეგმის შემუშავებისთვის სპეცეციალური საბჭო შეიქმნა. დოკუმენტი – ქალაქ წყალტუბოს მიწათსარგებლობის გენერალური გეგმის შესახებ ქალაქის ისტორიის მანძილზე პირველად იქმნება და მის შემუშავებაში საბჭოს არსებობის აუცილებლობა წყლტუბოს მუნიციპალიტეტის გამგებელმა კონსტანტინე მამისეიშვილმა ბრძანებით განსაზღვრა. 16 კაცია საბჭოს გამგებლის მოადგილე – გენადი ბალანჩივაძე თავმჯდომარეობს. საბჭოს შემადგენლობაში არიან შესაბამის კომპეტენციის ადამიანები: არქიტექტორები, ინჟინრები, საჯარო რეესტრის წარმომადგენლები ადგილობრივი თვითმმართველობის წარმომადგნელები და ა.შ. საბჭოს კომპეტენციას განეკუთნება: ქალაქ წყალტუბოს მიწათსარგებლობის გენერალური გეგმისა და სოფლების გეგუთის, ქვიტირის, ფარცხანაყანევის, გუმბრის, წყალტუბოს განაშენიანების რეგულირების საკითხთებზე, მათ შორის სპეციალური ზონალური შეთანხმებისათვის, შესაბამისი დასკვნებისა და რეკომენდაციების მომზადება, კონსულტაციის გაწევა; ქალაქმშენებლობითი დოკუმენტების შემუშავების, განხილვისა და დამტკიცების პროცესების საჯაროობის მიზნით, საზოგადოებრივი ინფორმირების სამუშაოებისა და განხილვების ორგანიზება; ქალაქმშენებლობითი დოკუმენტების გეგმარებითი დავალებების გაცემისათვის შესაბამისი დასკვნებისა და რეკომენდაციების მომზადება, კონსულტაციების გაწევა და სხვა სამუშაოები. როგორც გამგებელი აცხადებს, განაშენიამების გენ გეგმის დოკუმენტაციის შემუშავების მიზნები დიდია, „ ბუნებრივი და კულტურული მემკვიდრეობის დაცვა. ფიზიკური და იურიდიული პირების, ადგილობრივი თვითმმართველობის და სახელმწიფო ინტერესების ურთიერთშეთანხმება ტერიტორიების გამოყენებისა და განვითარების საკითხებში; ტერიტორიების გამოყენების (მიწათსარგებლობის) და განაშენიანების განვითარების პრიორიტეტების დადგენა; მიწათსარგებლობის ზონებისა და ქვეზონების დადგენა; ტერიტორიების გამოყენების (მიწათსარგებლობის) და განაშენიანების პარამეტრების განსაზღვრა, ეს საკითები შედის ამ დოკუმენტში, ამიტომაც არის ეს დოკუმეტი ასე მნიშვნელოვანი,“ – ამბობს კონტანტინე მამისეიშვილი. დღეს პირველი საბჭოს სხდომა გაიმართა რომელსაც წყალტუბოს მუნიციპალიტეტის გამგებელი – კონსტანტინე მამისეიშვილი ესწრებოდა და საბჭოს წინადადებები მოისმინა.