Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გარემოსა და ბუნებრივი რესურსების დაცვის მინისტრი გიგლა აგულაშვილი ევროკავშირის დელეგაციის წარმომადგენლებს შეხვდა.
შეხვედრაზე მხარეებმა პროექტი – „ევროკავშირის წყლის ინიციატივა – პლუს (EUWI+) აღმოსავლეთ პარტნიორობის ქვეყნებისთვის (EaP)“ განიხილეს, რომლის მიზანია წყლის რესურსების მართვის გაუმჯობესება აღმოსავლეთ პარტნიორობის ქვეყნებში, განსაკუთრებით ტრანსსასაზღვრო მდინარეებთან მიმართებაში. ასევე, მნიშვნელოვანია ეროვნული პოლიტიკისა და სტრატეგიის თანხვედრის მიღწევა ევროკავშირის წყლის ჩარჩო დირექტივასთან (WFD), წყლის რესურსების ინტეგრირებულ მართვასთან (IWRM) და მრავალმხრივ გარემოსდაცვით ხელშეკრულებებთან (MEA).
პროექტი ითვალისწინებს აღმოსავლეთ პარტნიორობის ქვეყნების სამართლებრივი და მარეგულირებელი სისტემების გაუმჯობესებას ევროპული კანონმდებლობისა და საერთაშორისო ვალდებულებების შესაბამისად: WFD, IWRM, MEA, ასევე მდინარეთა აუზების მართვის გეგმების შემუშავებასა და განხორციელებას ევროკავშირის წყლის ჩარჩო დირექტივის (WFD) პრინციპების საფუძველზე და საზოგადოების ჩართვას მდინარის აუზის მართვის გეგმების შემუშავების პროცესში.
შეხვედრას წყლის რესურსების მართვის სამსახურის, გარემოსდაცვითი პოლიტიკისა და საერთაშორისო ურთიერთობების დეპარტამენტის წარმომადგენლები ესწრებოდნენ.